Lathyrus odoratus 'Turquoise Lagoon' - ilmertur

Ilmertur eru einærar klifurjurtir sem geta vaxið upp eftir runnum, klifurgrindum eða hverju því sem þær ná að festa sig í. Þær blómstra stórum, oft mikið ilmandi blómum í flestum litum að gulum undanskildum. Geta náð yfir 2 m hæð.

'Turquoise Lagoon' er ilmertuafbrigði sem blómstrar tvílitum blómum, sæbláum og ljósfjólubláum. Mjög sérstakur og óvenjulegur blómlitur. Blómliturinn breytist með aldrinum, er meira fjólublár fyrst eftir að blómið springu út, en sæblái liturinn breiðist svo út eftir því sem blómið eldist.

Fræ frá Chiltern Seeds, pakkað af Garðaflóru.

Sáð í mars - apríl. Fræ lagt í bleyti í volgu vatni í 24 klst. áður en því er sáð. Fræ hulið og haft við stofuhita fram að spírun. Best er að sá 5-6 fræjum í sáningarbox og dreifplanta svo í heilu lagi í 2 l pott til að rækta áfram því þær þola illa dreifplöntun. Ilmertur eru frekar á bæði vatn og næringu, svo mikilvægt er að passa að moldin þorni ekki og að þær fái næga næringu.

10 fræ í pakka