'Grandissimo F1 Icy Blue' er afbrigði sem blómstrar bláum blómum með hvítri miðju. Grandissimo er stórblóma sería með blómstærð á milli hefðbundinna fjóluafbrigða og stjúpa. Fjólur eru sumarblóm sem henta vel í ker og út í beð.
Sáð í janúar-byrjun mars. Fræ hulið með fíngerðum vikri og haft við stofuhita fram að spírun. Fræ spírar betur í myrkri, svo betra að setja sáningarbox ekki undir ljós fyrr en fræið hefur spírað. Spírun eftir 7-10 daga. Blómgun um 3 mánuðum eftir sáningu.
