Garðaflóra
Opuntia humifusa - förufíkjukaktus
Opuntia humifusa - förufíkjukaktus
Ekki tókst að hlaða afhendingarstöðum
Förufíkjukaktus er frostþolinn kaktus sem vex í austanverðri N-Ameríku norður til Kanada. Gæti mögulega þrifist í köldu gróðurhúsi hér, en gengi sjálfsagt betur í frostlausum gróðurskála eða sem stofuplanta. Þarf sólríkan vaxtarstað og sendinn jarðveg. Blómstrar gulum blómum.
Fræ frá Jelitto, pakkað af Garðaflóru.
Sáningartími: janúar-febrúar. Fræ getur verið allt að einu ári að spíra. Það getur flýtt spírun og aukið spírunarhlutfall að leggja fræ í bleyti og kæla það í nokkrar vikur áður en það er látið spíra við stofuhita. Þá er 80°C heitu vatni hellt yfir fræið og það látið liggja í bleyti í sólarhring. Fræ síðan blandað í rakan vikur í rennilásapoka og kælt í 8 vikur áður en því er sáð. Vikrinum úr pokanum er þá hellt yfir moldina og þjappað niður.
10 fræ í pakka
Share

