Leucanthemum vulgare 'Filigran' - freyjubrá

'Filigran' er sort af freyjubrá sem blómstrar hvítum blómum með gulri miðju. Hún er lægri en tegundin, verður um 60 cm á hæð, og blómin heldur smærri, um 5 cm í þvermál, en er mjög blómsæl og þykir henta betur í garða. Dreifist út með jarðstönglum og hentar því mjög vel í blómaengi. Er sérstaklega falleg með roðafífli, sem vex best við sömu skilyrði, sól og í frekar rýrum jarðvegi.

Sáning: Sáð í febrúar-mars. Fræ rétt hulið og haft við stofuhita fram að spírun.

100 + fræ í pakka